Daily Bulletin Review

پاکستان کے بڑے شہروں میں پرانی کتابیں فٹ پاتھ پر فروخت کی جاتی ہیں یا چھٹی والے دن ٹھیلے سج جاتے ہیں۔ چند ایک دکانیں ایسی ہوں گی جہاں صرف پرانی کتابیں دستیاب ہوں۔ لیکن ' مغربی ممالک میں یہ بہت بڑا کاروبار ہے اور پرانی کتابوں کی دکانوں کے ویسے ہی سلسلے ہوتے ہیں جیسے ریسٹورنٹس یا ملبوسات کے اسٹورز کی چین ہوتی ہے۔ اردو میں قدیم مخطوطے یا مشہور لوگوں کی دستخط کی ہوئی کتابیں معمولی قیمت پر مل جاتی ہیں۔ لیکن ' امریکہ یا یورپ میں ایسی کتابیں باقاعدہ نیلام کی جاتی ہیں اور بعض اوقات ان کی قیمت ہیرے جواہرات سے زیادہ ہوتی ہے۔ اب تک 13 کتابیں ' مخطوطے یا دوسری دستاویزات ایسی ہیں جو ایک کروڑ ڈالر سے زیادہ میں نیلام ہوئی ہیں۔ یہ سب کئی سو سال پرانی ہیں اور خریدنے والوں نے انھیں سرمایہ کاری کی غرض سے نہیں بلکہ اپنے کتب خانے میں محفوظ کرنے کے لیے حاصل کیا۔ تاریخ میں سب سے زیادہ مہنگی فروخت ہونے والی کتاب بک آف مورمون کا مسودہ ہے جسے 1830 میں مورمون فرقے اور لیٹر ڈے سینٹ تحریک کے بانی جوزف اسمتھ نے تحریر کیا تھا۔ ستمبر 2017 میں چرچ آف جیزز کرائسٹ آف لیٹر ڈے سینٹس نے اسے...

وزیراعظم عمران خان نے کہا ہے کہ ' کوئی چاہے کتنا ہی طاقتور کیوں نہ ہو. جرم کی معافی نہیں ملے گی۔ قانون اپنا راستہ اختیار کرے گا۔ وزیراعظم عمران خان نے شوگر کمیشن کے سربراہ واجد ضیاء کو شاباش دیتے ہوئے کہا ہے کہ ' آپ نے تحقیقات کے دوران بہترین کام کیا۔ وزیراعظم اور کابینہ اراکین نے کہا کہ پوری تحقیقاتی رپورٹ میں کوئی ابہام نہیں ہے۔ وزیراعظم نے کہا کہ ' حکومت میں آکر پتہ چلا کہ ملک مافیاز کے رحم و کرم پر چھوڑ دیا گیا ہے. جس طرف دیکھو مافیا سرگرم ہیں۔ انہوں نے اعلان کیا کہ ' مافیا کے خلاف جنگ جاری رکھیں گے۔ ان مافیاز کے خلاف لمبی جدوجہد کی ہے. اس سے کسی صورت موقف سے یچھے نہیں ہٹوں گا۔ عمران خان نے کہا کہ ' کوئی چاہے کتنا ہی طاقتور کیوں نہ ہو. اسے جرم کی معافی نہیں ملے گی۔ ملک کو بری طریقے سے لوٹا گیا ہے مگر اب قانون اپنا راستہ اختیار کرے گا۔ وزیراعظم عمران خان نے مزید کہا کہ ' مجھے خوشی ہے کہ پوری کابینہ کرپشن کے خلاف جنگ میں میرے ساتھ ہے۔ میں وہی کام کر رہا ہوں جو عوام کیلئے بہتر ہے۔

چینی بحران پر تحقیقاتی کمیشن کی رپورٹ منظ عام پر آگئی جس میں انکشاف کیا گیا ہے کہ ' کس طرح شوگر مافیا نے کاشتکاروں کو دھوکا دیا. سبسڈی سے فائدہ اٹھایا اور ایسے حالات پیدا کئےجن سے چینی کی قیمتیں غیر معمولی طور پر بڑھ گئیں۔ وزیراعظم کے معاون خصوصی برائے احتساب شہزاد اکبر نے پریس کانفرنس کے دوران رپورٹ کے مندرجات سے پردہ اٹھایا۔

 پاکستان میں قائم چینی سفارتخانے کے ترجمان نے امریکہ کی اسٹیٹ سیکریٹری ایلس ویلز کے پاک چین تعلقات اور سی پیک کے متعلق جاری کردہ بیان کا سخت نوٹس لیتے ہوئے اسے بے بنیاد قرار دیا ہے۔ ہم نیوز کے مطابق ' چینی سفارتخانے کے ترجمان نے جبوبی ایشیا کے لیے امریکہ کی نائب سیکریٹری ایلس ویلز کے بیان کو پاک چین تعلقات کی شہرت کو نقصان پہنچانے کی مضموم کوشش قرار دیتے ہوئے کہا ہے کہ دونوں ممالک کے درمیان 69 سالوں سے بہترین سفارتی تعلقات قائم ہیں۔ ترجمان کے مطابق ' پاکستان اور چین ایک دوسرے کا احترام کرتے ہیں اور دونوں ممالک نے خطے میں امن و استحکام کے لیے مل کر کام کیا ہے۔ ہم نیوز کے مطابق ' ترجمان نے کہا ہے کہ ' چین نے کبھی پاکستان سے ڈو مور کا مطالبہ نہیں کیا اور نہ کبھی داخلی امور میں مداخلت کی ہے۔ چینی سفارتخانے کے ترجمان نے کہا ہے کہ ' چین نے سی پیک منصوبوں میں 25 ارب ڈالرز کی براہ راست سرمایہ کاری کی ہے جب کہ امریکہ نے 2012 سے 2019 کے درمیان پاکستان میں صرف ایک ارب روپے کی سرمایہ کاری کی۔ ہم نیوز کے مطابق ' چینی سفارتخانے کے ترجمان نے اس عزم کا اعا...

جمعتہ الوداع اور نماز عيد کے اجتماعات کیلئے محکمہ داخلہ سندھ نے ہدايات جاری کردیں. کمشنرز اور ڈپٹی کمشنرز کو ايس او پيز پر عملدرآمد کرانے کا حکم دیا گیا ہے۔ محکمہ داخلہ سندھ نے جمعۃ الوداع اور نماز عید کے اجتماعات کیلئے ایس او پیز پر مشتمل ہدايت نامہ کمشنرز اور ڈپٹی کمشنر کو ارسال کرديا. جس کے ساتھ وفاقی وزارت داخلہ کا اجازت نامہ بھی منسلک ہے۔ سندھ حکومت نے کمشنرز اور ڈپٹی کمشنرز کو جمعۃ الوداع اور نماز عید کے اجتماعات کیلئے 20 نکاتی ایس او پیز پر سختی سے عملدرآمد کرانے کی ہدایت کی ہے۔ حکومتی احکامات کی روشنی میں جمعۃ الوداع اور نماز عید کے اجتماعات صرف کھلے مقامات پر منعقد کئے جاسکیں گے. کمشنرز اور ڈپٹی کمشنرز کو اجتماعات کے مقامات پر اضافی سیکیورٹی کا انتظام کرنے کا حکم دیا گیا ہے۔ وفاقی وزارت داخلہ نے صوبائی حکومتوں کو ایس او پیز پر عملدرآمد کیلئے علمائے کرام سے رابطہ کرنے کی ہدایت کی ہے۔ وفاقی حکومت کے بعد سندھ حکومت نے بھی جمعۃ الوداع' نماز عید اور دیگر اجتماعات کے کھلے مقامات پر انعقاد کی اجازت دیتے ہوئے ہدایت کی ہے کہ چھوٹی مساجد میں اجتماعات سے گریز کیا جائے۔...

 خیبرپختونخواہ حکومت نے سپریم کورٹ کے احکامات کے تحت صوبہ بھر کے تمام ریٹیل شاپس کو 22 مئی سے 24 مئی تک عید کے دنوں میں کھلا رکھنے کا فیصلہ کرلیا۔ سول سیکرٹریٹ پشاور میں پریس کانفرنس کرتے ہوئے مشیر اطلاعات خیبرپختونخواہ اجمل وزیر نے کہا کہ ' سپریم کورٹ کے احکامات کے تحت خیبرپختونخواہ حکومت نے صوبہ بھر کے تمام ریٹیل شاپس کو 22 مئی سے 24 مئی تک عید کے دنوں میں کھلا رکھنے کا فیصلہ کیا ہے۔ انہوں نے کہا کہ ' لاک ڈاؤن میں نرمی اور سختی دونوں کا فیصلہ عوام کے تحفظ کیلئے کیا گیا ہے۔ صوبے میں کاروباری مراکز کو بھی ایس او پیز کے ساتھ کھولنے کی اجازت دی ہے۔ مشیر اطلاعات خیبرپختونخواہ اجمل وزیر نے مزید کہا کہ ' ایس او پیز پر عملدرآمد نہ ہونے کی صورت میں دوبارہ لاک ڈاؤن کا آپشن استعمال کریں گے کیونکہ عوام کی جانوں کا تحفظ حکومت کی ذمہ داری ہے۔

ایرانی عدالت نے حکومت کے نام کھلا خط لکھنے والی چودہ خواتین کو سزا سنائی ہے۔ ان میں ایک خاتون شہلا جہاں بین بھی شامل ہیں جن کو فوری سرجری کی ضرورت ہے۔ مگر جیل کے حکام نے انہیں دو ماہ کی مہلت دی ہے اور اس کے بعد انہیں اپنی سزا جیل میں کاٹنی ہو گی۔ ایران میں مقیم ایک ذریعے نے وائس آف امریکہ کی فارسی سروس کو بتایا کہ ' منحرف خاتون شہلا جہاں بین پچھلے ہفتے تہران کے ایوین جیل خانے گئی تھیں اور وہاں انہوں نے جیل کے حکام کے سامنے ایرانی عدلیہ کے قانونی میٖڈیکل افسر کا ایک خط پیش کیا. جس میں لکھا تھا کہ کمر کی تکلیف کے علاج کے سلسلے میں سرجری درکار ہے۔ ذریعے کے مطابق ' جیل کے حکام نے کہا کہ ' وہ سرجری کے لیے صرف دو ماہ کی مہلت دیں گے اور اس کے بعد انہیں جیل میں اپنی ساڑھے تین سال قید کی سزا بھگتنی ہو گی۔ پچھلے سال نو اگست کو جہاں بین ان چودہ خواتین میں شامل تھیں. جنہوں نے حکام کے نام ایک کھلا خط لکھا تھا۔ اس خط میں دیگر باتوں کے علاوہ خامنائی کے استعفیٰ کا مطالبہ کیا گیا تھا۔ اکیس اگست کو انہیں حراست میں لے لیا گیا اور ان سمیت چودہ خواتین پر مملکت کے خلاف پراپیگنڈا ک...